Miðvikudagur 12. maí: Tónfræðipróf
Þeir nemendur sem nýlega hafa lokið tónfræðibókum sínum taka tónfræðipróf á hefðbundnum tónfræðitíma (miðvikudagar kl. 14:30-15:10). Nemendum hefur þegar verið sagt hvort þeir teljast tilbúnir í prófið eður ei og eins hefur þeim verið afhentur "tékklisti" til að undirbúa sig eftir.

Mánudagur 17. maí og þriðjudagur 18. maí: Vorpróf

Nær allir nemendur Tónskólans þreyta vorpróf á sitt hljóðfæri. Prófið fer fram á skólatíma og verða börnin sótt í stofurnar eða send af bekkjarkennurum. Prófdómari kemur til okkar "að sunnan" og þeir nemendur sem þreyta stigspróf fá skriflega einkunn og umsögn og aðrir nemendur, sem ekki þreyta stigspróf, fá skriflega umsögn. Uppbygging prófsins er eftirfarandi fyrir flesta nemendur: nemandinn leikur 2 eða 3 lög/verk, nokkra tónstiga og tækniæfingar, les nótur af blaði og gengst undir einfalt tónheyrnarpróf.

Nemendur hafa verið undirbúnir af hljóðfærakennurum sínum undanfarnar vikur og mánuði fyrir þetta vorpróf.

Miðvikudagur 19. maí: Vortónleikar Tónskólans
Tónleikarnir fara fram frá kl. 17:00 til 19:00 í kirkjunni. Hver nemandi leikur eitt lag og fram koma einnig Barnakór Strandabyggðar og yngri samspilshópur Tónskólans. Vegna þess að allar líkur eru á því að sóttvarnareglur breytist nokkrum dögum fyrir þessa tónleika munum við tilkynna síðar hvort við þurfum að takmarka fjölda áhorfenda og hvernig aðrar reglur verða. Tónleikagestir mega þó reikna með að þurfa að vera með andlitsgrímu allan tímann og ekki er ólíklegt að við þurfum að númera bekkina og að fólk þurfi að skrá nöfn sín, símanúmer og kennitölur og auðvitað halda sig í sama sæti alla tónleikana.
Við vekjum athygli á því að almennt er ætlast til þess að allir nemendur og fullorðnir gestir sitji í salnum alla tónleikana en fari ekki á miðjum tónleikum. Sérlega mikilvægt er að fólk standi ekki upp og gangi um í miðjum tónlistaratriðum því slíkt hefur mjög truflandi áhrif á það barn sem er að spila, fyrir utan það að við viljum kenna börnunum okkar með góðu fordæmi að við sýnum hljóðfæraleikurunum virðingu. 

Skráning í Tónskólann fyrir skólaárið 2021-2022

Verður auglýst mjög fljótlega.

Á aukafundi sveitarstjórnar Strandabyggðar í dag 30. apríl var eftirfarandi bókun samþykkt og vill sveitarstjórn koma henni á framfæri til íbúa:

„Fyrrum sveitarstjóra Strandabyggðar, Þorgeiri Pálssyni, var sagt upp störfum þann 20. apríl sl. Þessi ákvörðun var ekki léttvæg en var tekin að vel ígrunduðu máli og átti sér nokkurn aðdraganda. Samstarfsörðugleikar höfðu farið vaxandi eftir því sem leið á kjörtímabilið og samskipti milli sveitarstjóra og kjörinna fulltrúa voru oft erfið og þung. Slíkar aðstæður eru krefjandi fyrir alla aðila og leiða oft í ljós að þeir eiga ekki lengur samleið. Þegar sýn og stefna sveitarstjórnar og sveitarstjóra fara ekki saman fer dýrmætur tími til spillis. Þessir þættir leiddu til þess að sveitarstjórn Strandabyggðar var sammála um að segja sveitarstjóra upp störfum.

 

Sveitarstjórn telur að löglega hafi verið staðið að uppsögninni. Farið var eftir ákvæðum ráðningarsamnings. Þar er kveðið á um þriggja mánaða gagnkvæman uppsagnarfrest sem sveitarfélagið greiðir, hvort sem um uppsögn af hálfu sveitarfélags eða sveitarstjóra er að ræða.

 

Sveitarstjórn hafnar því alfarið að hafa brotið sveitarstjórnarlög, samþykktir og siðareglur Strandabyggðar eins og ýjað er að í yfirlýsingu frá fyrrum sveitarstjóra.

 

 

Oddviti Strandabyggðar tekur tímabundið við sem framkvæmdastjóri í sveitarfélaginu.

Sveitarstjórn Strandabyggðar mun í framhaldinu skipta með sér verkum og vinna að þeim í samvinnu við skrifstofu sveitarfélagsins og með öðru starfsfólki Strandabyggðar til að minnsta kosti þriggja mánaða.

 

Sveitarstjórn hefur einnig samið við ráðgjafafyrirtækið Ráðrík um að vera til staðar og taka að sér afmörkuð verkefni fyrir sveitarfélagið gerist þess þörf.“

Við vekjum athygli á að Jónas Guðmundsson sýslumaður á Vestfjörðum verður til viðtals á sýsluskrifstofunni á Hólmavík þriðjudaginn 4. maí nk. 
Minnt skal á að alltaf má hafa samband við sýslumann eða löglærðan fulltrúa símleiðis eða í tölvupósti.

Sveitarstjórnarfundur 1317 í Strandabyggð

Aukafundur nr. 1317 er haldinn í sveitarstjórn Strandabyggðar verður haldinn föstudaginn 30. apríl 2021 kl 16.00 í Hnyðju.

 

 

Fundardagskrá er svohljóðandi:

 

1. Starfsmannamál

 

Gert er ráð fyrir að eftirtaldir sveitarstjórnarmenn sitji fundinn:

Jón Gísli Jónsson

Ásta Þórisdóttir

Guðfinna Lára Hávarðardóttir

Pétur Matthíasson

Jón Jónsson

 

Nú styttist í að vinnustaðakeppnin Hjólað í vinnuna 2021 hefjist í átjánda sinn en að þessu sinni fer keppnin fram frá 5. - 25. maí. Opnað verður fyrir skráningu þann 21. apríl og við hvetjum alla til að skrá sig strax til leiks. 

Verkefnið Hjólað í vinnuna fer fram 5.-25. maí nk. Opnað verður fyrir skráningar 21. apríl og hægt er að skrá sig allan tímann á meðan keppni stendur yfir eða fram til 25. maí. Hjólað í vinnuna er fyrir marga vorboðinn ljúfi. Þrátt fyrir að enn ríki töluvert sérstakar aðstæður í þjóðfélaginu þá er aldrei mikilvægara en núa að huga vel að heilsunni og sinni daglegu hreyfingu....
Meira